Horja Kuria, Yang perlu dihapal...

TITAH NI NAIBATA NA SAPULUH IN

1. Ahu do Jahowa Naibatamu, nini Naibatanta, lang malo ho marnaibata nalegan sobali Ahu.
2. Lang malo ganaonmu, anjaha lang malo usihanmu, barang aha na i nagori atas, pakon na itanoh on, age na ibagas bah pakon na i toruh ni tanoh, anggo na gabe sisombahon barang sibalosan.
3. Lang malo sobuton Goran ni Naibata anggo lang tiba jujurni, ai hona uhumNi do magira sagala na marhampungkon GoranNi.
4.  Ingat ma manrobuhon ari Minggu in, ibagas na onom ari ma horjahon sagala horjamu;  tapi anggo ari papituhon in, ari parsaranan ni Jahowa Naibatamu do in. Lang malo ho marhorja ibagas na sadari in, barang anakmu pe barang borumu, barang na rokkon ho dalahi, barang na rokkon ho naboru, age pinahanmu pe, age sinhuta na legan na roh hu hutamu. Ai ibagas na onom arian do itompa Naibata, langit pakon tanoh pakon laut ampa haganup isini. Dob ai marsaran do Ia bani ari papituhon in. Halani ai do ase ipasu-pasu Naibata Jahowa ari parsaranan Ni ai anjaha irobuhon.
5. Maningon pasangaponmu do namatorasmu, ase martuah ho, anjaha dokah ho manggoluh bani tanoh na binerehon ni Naibata hubam.
6. Ulang ho mamunuh!
7. Ulang ho marbangkis!
8. Ulang ho manangko!
9. Ulang ho ra manakasihon hata na so tongon marimbang hasaman jolma!
10. Lang malo uhur-uhuranmu rumah ni hasomanmu, lang malo uhur-uhuranmu urang rumah ni hasomanmu, barang narokkonsi dalahi, barang narokkonsi naboru, barang lombuni, barang hudani, barang aha pe arta ni hasoman.

Sonon do Hata ni Naibata pasal titah na sapuluh in:

Ahu do Jahowa Naibatamu! Pargogoh na so tarimbang anjaha panringis, nini Naibanta. Sai balosonKu do dousa ni bapani hubani ginomparni, ronsi sundut patoluhon ronsi sundut paopathon, ginompar ni sagala na marsogam ni uhur Bangku. Tapi holong do ateiHu bani na marribu-ribu sagala na marholong ni atei Bangku, na so manlanggar Titahkin.

HATA HAPORSAYAON

Ahu porsaya bani Jesus Kristus, Anak ni Naibata na sasada in, in do Tuhanta, na tinubuhkon ni si Maria sanggah nape haliaban, marhitei Tonduy Napansing. Na manaron na parngit, bani panorang ni si Pontius Latus, iparsilangkon, matei anjaha itanom, turun hu nagori toruh. Mulak manggoluh humbani na matei bani ari patoluhon. Naik hu surga anjaha hundul i siamun ni Naibata Bapa, Pargogoh na so tarimbang in, Hunjai ma Ia mulak magira laho manguhumi halak na manggoluh pakon na dob matei.

Ahu porsaya bani Tonduy Napansing, bani Kuria parsadaan na mapansing in, parsaoran ni sagala namapansing in, bani hasasapan ni dousa, bani parpuhoon ni angkula, pakon bani hagoluhan na sadokah ni dokahni. Amen

  

TONGGO RIAP

Ham Bapanami na i nagori atas. Sai napapansing ma GoranMu. Sai roh ma harajaonMu. Sai saud ma harosuh ni uhurMu i nagori tongah on songon na i nagori atas. Bere Ham ma bannami sadari on hagoluhan ari-ari. Sasap Ham ma dousa nami songon panasap nami bani dousa ni hasoman, na mardousa dompak hanami. Ulang hanami bobai ham hu parlajouan. Paluah Ham ma hanami humbani pangagou. Ai ham do Simada harajaon, pakon hagogohon ampa hasangapon sadokah ni dokahni. Amen

PASU-PASU:  Idop ni uhur ni Tuhan Jesus Kristus, pakon holong ni atei ni Naibata Bapa, ampa parsaoran ni Tonduy Napansing ma manghasomani hita haganupan. Amen

DODING SALPU MANGAN:

Bl.162 : 2      Domma ibere Ham, Tuhan, sipanganon nami,

                     Pasangap Ham ma in nuan ibahen hanami

                      Angkula in ampa ganup gogohnin, tanda malas uhur nami

BL.216: 1      Tonggor ma jenges ni in, ganup na sauhur in,

                     Parpambaenan na bujur ‘ge hata ni pe botul